首先講Shaka Sushi Rice，基底係醋飯混咗少少壽司醋，凍凍哋幾開胃。重點係佢嘅醬汁！本身已經有秘製醬油底，但記住叫店員加多啲醬，因為佢哋嘅特調醬汁帶微微酸辣，撈埋三文魚粒、吞拿魚、蟹籽同青瓜，每一啖飯都掛滿汁，又唔會太鹹，食完成個飯都唔會膩！
至於Mahalo Sushi Rice，更加係驚喜之作！佢嘅醬汁基底似係芝麻醬混咗啲燒烤醬，甜甜哋又有堅果香。強烈建議加多醬，因為佢嘅醬同飯上面嘅材料（例如牛油果、芒果、炸蒜）超夾，撈勻之後飯粒濕潤得嚟仲保持到口感，仲會食到淡淡椰香，感覺好有熱帶風情！
兩個飯嘅配料都可以自己微調，但如果跟足店家預設搭配已經好完美。另外，佢哋嘅份量夠大，女仔可能食唔嗮，男仔就啱啱好。拎到附近公園或者返office慢慢歎～ 總之，鍾意濃味同醬汁控嘅，呢兩款飯絕對係灣仔區必試！
