影片
更多
2023-01-14
54 瀏覽
依間cafe，我相信好多人就算未食過都一定聽過，係韓國好出名嘅2D打印cafe，不過唔好以為佢係打卡cafe啲嘢食就唔好食。Nonono 咁你就大錯特錯，依間cafe就係會讓你知道咩叫做又睇得又食得不過如果係為打卡去的話，盡量係訂位既時候提早通知，唔係嘅話就有機會好似我咁安排去一個冇咁容易同靚嘅位置。ULURU拼盤：燒羊扒、牛柳粒串、煙三文魚牛油果卷 $168原本諗住叫一個主食加一個拼盤應該唔會好飽，但係拼盤一上枱我就知道我諗多咗，就算佢冇薯條都好，單單食肉其實都已經好飽，而且仲要有唔少薯條，不過薯條就不過不失，係平時茶餐廳都會食到嘅嗰種急凍薯條，所以就唔多評價。而燒羊扒食落去都係肉質鮮嫩多汁，而且唔會食到羊臊味。不過牛柳粒串就嫌太韌，明明係牛柳，但食落去一啲都唔嫩，好彩都係得三粒，如果唔係都唔知點樣食曬。反而個煙三文魚牛油果卷幾出色，原本以為得一嚿仔只係用急凍貨隨便敷衍一下就算，結果佢牛油果醬都好多，而且係底部仲好似甜筒咁有啲沙律菜，配上沙律汁；整個拼盤最好食就係這個煙三文魚牛油果卷。不過又唔值得為咗一個煙三文魚牛油果卷就叫這個拼盤，所以唔太推介叫。蜜餞煙鴨胸伴藏紅花忌廉汁意大利飯
不過如果係為打卡去的話，盡量係訂位既時候提早通知，唔係嘅話就有機會好似我咁安排去一個冇咁容易同靚嘅位置。
ULURU拼盤：燒羊扒、牛柳粒串、煙三文魚牛油果卷 $168
原本諗住叫一個主食加一個拼盤應該唔會好飽，但係拼盤一上枱我就知道我諗多咗，就算佢冇薯條都好，單單食肉其實都已經好飽，而且仲要有唔少薯條，不過薯條就不過不失，係平時茶餐廳都會食到嘅嗰種急凍薯條，所以就唔多評價。
而燒羊扒食落去都係肉質鮮嫩多汁，而且唔會食到羊臊味。不過牛柳粒串就嫌太韌，明明係牛柳，但食落去一啲都唔嫩，好彩都係得三粒，如果唔係都唔知點樣食曬。反而個煙三文魚牛油果卷幾出色，原本以為得一嚿仔只係用急凍貨隨便敷衍一下就算，結果佢牛油果醬都好多，而且係底部仲好似甜筒咁有啲沙律菜，配上沙律汁；整個拼盤最好食就係這個煙三文魚牛油果卷。不過又唔值得為咗一個煙三文魚牛油果卷就叫這個拼盤，所以唔太推介叫。
蜜餞煙鴨胸伴藏紅花忌廉汁意大利飯 $118
一開始有擔心過蜜餞會唔會太甜，但食落就發現都唔係好甜，就算係唔太好甜嘅人食都唔會抗拒，雖然都知道係急凍鴨胸，但係調味做得唔錯，食落去甜甜哋咁又幾容易讓人想食完一嚿又一嚿；而底下嘅意大利飯也非常不錯，每一粒都完美吸收到忌廉汁嘅味道，但是食完曬整個意大利飯都發現唔到到底有咩藏紅花嘅味道，唔知係咪我的味覺唔夠敏感，所以發現唔到🙈🙈不過整體來講都係好食嘅，但係又唔係好特別，可以一試但可能其他會特別啲，唔想踩雷可以叫呢一個，但就唔好對佢有太大期望。
Mochaccino （主菜加$23轉）
原本諗住要一杯普通嘅咖啡就算，但係咁啱見到隔籬枱杯Mochaccino有柴犬嘅拉花係面，所以就忍不住也點了一杯，職員會問你想要咩拉花，但都只係盡量滿足你嘅需求，唔一定100%拉到你想要嘅花。好似我咁，我見人哋係可可愛愛嘅柴犬，但唔知點解我嗰杯就串串哋咁😂不過份量都好多，就算兩個人分享都完全足夠，不過味道就正正常常，如果鐘意Mochaccino或者想打卡，點一杯也不錯
個餐有包一個湯同麵包，不過兩个都冇咩特別咁，湯就係好普通嘅蕃茄湯，麵包就係普通超市可以買到嗰種
噾嚕米 -森の家 $128
咁食完正餐，就一定要食返啲甜品，咁先可以為一餐畫上完美句號，糾結咗好耐要點邊一款甜品，最後都係決定點一個在網上都唔少人推薦嘅依款，一上枱就知道一定係相機先食，外表真係非常吸引，雖然餐牌上有介紹係咩嚟，但係我哋最初食嘅時候都唔係好食到咩味，淨係食到少少草莓味，不過整體來講都係好食嘅，食嗰陣配少少旁邊嘅朱古力可以中和少少草莓嘅酸味。如果鐘意食草莓嘅可以一試，或者打卡都係一樣唔錯嘅選擇
總括嚟講，打卡cafe中，食物質素唔錯，唔會剩係得個樣而唔好食，可以bookmark 去試
以上均是我個人觀感，如有不喜。
敬請原諒
張貼
