七月烤魚 (已結業)

今晚諗住食好啲😌，經外賣平叫咗條重慶口味烤魚，點知一送到嚟色水已經發現唔對路，比起平時食嘅烤魚嘅顏色淡好多🤔🤔🤔，已且烤魚明顯無咩烤過痕跡，淨係條魚骨炸過，呢個都唔係重點，重點嘅係第一啖擺落口，就好似擺緊一啖泥落口咬一樣，真係吐都吐唔切出嚟🤮🤮🤮🤮，仲要攞包檸檬茶清清喉嚨，減低味覺上的衝擊，呢條烤魚不單止食唔到魚嘅味道，只食到濃濃泥嘅味道，堅唔係普通有少少泥味嘅魚，係真係咬緊盆栽裏面啲泥一樣咁濃郁，當然佢嘅下場係我同家人各至食完第一啖之後，原條放落垃圾筒，我終於明白點解佢叫七月烤魚，難道真係比七月十四嘅👻食嗎？