難得多年無見嘅舊同學係附近返工，約出嚟lunch小聚一下，原本揀咗間經濟實惠嘅素食餐廳，點知要訂位🤯
情急之下被我亂撳咗間係附近素食餐廳，去到門口見咁嘅裝潢都意識到「我錯了🤣」！！由門口到入座，整體感覺好高雅，似fine din嘅餐廳格局。我亦都開始擔心價錢應該有返咁上下，唔知食物質素如何呢？🫣
前菜先嚟一碟沙律🤓
幸好食物非常好味，唔似食緊素菜，擺盤好靚，吸睛指數我比90分！
我最鍾意呢個用紅菜頭配芝士嘅意大利飯。超。級。好。食。
令我見識到如何演活素食，再唔係停留係舊式齋菜舖大大碟炒個羅漢齋出嚟嘅年代。貴但值得一試！而且好好味☺️
