Café laimė (已結業)

呢間舖轉過幾手，還記得上兩手有喺路邊派過雪糕🍦🍧。呢個位雖然方便，但舖位窄長，所以完全擺唔倒大檯嘅，多數都係一兩個人嚟食。今日早，行過見倒轉咗手，所以坐低食個早餐。menu 幾多選擇，除咗中英仲有日文，好貼心，亦不禁令人諗起去旅行嘅日子🎏，想起一句歌詞🎵如何回到當時……點咗個鰹魚湯烏冬36蚊加5蚊配mocha, 好快有得食，用個盆上嘅，有日本feel , 鰹魚湯較清👍，有少少芝麻幾香，除此之外我仲好似食倒有啲薑，有兩片日式魚蛋，仲有隻蛋，蛋有煎過嘅，半熟。mocha 就唔係咖啡機嗰啲，係即溶咖啡😅, 朱古力味好濃，無乜咖啡味嘅。payment 收現金同Ali pay.