光榮冰室 (兆和街) (已結業)

Geo條👅評分：⭐️⭐️⭐️⭐️⭐️(5⭐️最高）臘味煲仔飯 $70好耐冇食過煲仔飯，喺荃灣去光榮買咗個外賣臘味煲仔飯，如果連煲外賣就加$12，但因為唔會點用個煲，所以唔加lu！雖然有煲好似原汁原味啲，但其實唔加煲一樣超好食，個飯加上啲煲仔飯專用嘅甜豉油，剩係個飯已經超正，仲要有飯蕉🤤好香脆卜卜🤤豉油味道啱啱好，唔太甜唔太鹹👍🏻講埋啲臘味，有臘鴨，臘腸，臘肉同潤腸，臘鴨同臘肉唔會太乾身，味道亦都幾出色，幾惹味，特別係個臘肉，我唔知點形容，總之好食😂臘腸味道都幾甘香同咬落去啲汁都咇出嚟👍🏻潤腸真係唔係我杯茶，我自己就不了😂🤣因爲佢係生米煮嘅煲仔飯，所以想食嘅朋友仔半個鐘前就打電話叫定喇😊