影片
更多
2011-06-21
38 瀏覽
6月11日星期六約左三個朋友嚟呢度食high tea,其實復活節果時已經嚟過一次架啦,不過太多人食唔到,我地點都好想嚟一次就決定早d去排隊啦,打電話問左餐廳話大約2點左右開始有人排隊,咁就約左d朋友2點鐘等,但係睇openrice既食評,勁驚,因為有人話1點半左右嚟排隊但都要食第二輪,有人仲誇張,話12點幾嚟先排第二......心諗究竟食下午餐定食lunch呢??今次唔想又撲空,所以我決定早些去排隊, 1點左右就嚟到啦,跟住見到只有幾個人係度排隊,心諗唔係已經full晒咁誇張吧?! 跟住見仕應同佢地登記,於是都行埋去排隊,聽到仕應會問客人去邊間餐廳及幾位,留了聯絡電話然後告訴客人幾點回來. 原來依家係先登記左唔使係度白等,咁都好d,到我啦,嘩,已經登記了一張紙,我係第二張的第十一個,仕應叫我3點回來就得架啦,好誇張,究竟d人幾點嚟架呢??仲有成兩個鐘,於是即刻叫d朋友唔使咁快趕過嚟等位,我就去行一陣先,朋友慢慢到達跟我會合,在圓方行了一陣,竟然還可以有時間在試衫買衫呢!!真的好呀.終於等到3點啦,我地上到去見有些人係四周等待中,跟住同仕應講姓咩電話,過了一陣就安排我地上去啦,撘車立直上
仲有成兩個鐘,於是即刻叫d朋友唔使咁快趕過嚟等位,我就去行一陣先,朋友慢慢到達跟我會合,在圓方行了一陣,竟然還可以有時間在試衫買衫呢!!真的好呀.終於等到3點啦,我地上到去見有些人係四周等待中,跟住同仕應講姓咩電話,過了一陣就安排我地上去啦,撘車立直上103樓,第一次撘到咁高炸,心情都好興奮,到達103樓後仕應告知我們在左手邊電梯落一層即可,係門口就有仕應再跟你confirm姓名電話,然後安排入座,見到有一排window seat的位置,問仕應可否安排我們坐在window seat,仕應說是根據登記的次序來安排入座的,我們俾安排坐在鋼琴旁的位置.
餐廳很西式的設計,跟之前在中環的時候很大分別,以前是較英式設計的,環境都算好grand,我們order了兩set high tea set,飲品仕應介紹我們飲茶,因仕應說是酒店出名的,所以我們每人都叫左唔同既茶嚟試,有蘋果茶,薄荷茶,甘菊及我果杯叫朝露,仕應說是有點果味的綠茶.我地坐係度欣賞餐廳既環境,餐廳不算很大,大約坐到100人左右,窗旁位置係兩人位,中間有吧枱位置,其餘的都是四人座位.
等左一陣茶先上,茶具都好靚呀,係白色有銀色邊的,都好大壼呀,每人一壼都冇位啦.試下味先,我的朝露有淡淡果味及綠茶味道,都幾香呀,朋友們的都ok,但甘露則沒有甚麼茶味,薄荷都好香不過朋友話唔算重薄荷味.又過左一陣high tea set都嚟啦,個架都好靚呀,有三層,仕應都細心介紹給我們那些食物是甚麼及應由最低層開始食起.還有果醬,一種係士多啤梨果醬,另一種係panna cotta cream,仕應話士多啤梨醬係酒店獨家產品,叫我地一定要試.
終於食得啦,先食鬆餅先,試下個cream及果醬先,件鬆餅好鬆化,細細件好ok呀,加埋d cream一齊食good,果醬我又唔覺得好特别,同食開果d好似唔係差好遠呀.最頂層有些三文治都幾特別,係咖喱味,仲有蕃茄味的,都幾好味呀,有件鬆餅外脆內軟,好好味呀,我鍾意食! 朋友話芝士餅都好ok,原來係好軟身的芝士,真係幾香幾好味喎,但杯士多啤梨慕絲我覺得太甜,雜苺tart都好好味,好多種苺係件tart面,好有口感呀!其餘的味道都好好,好有質素,我地一路坐一路傾計,仕應不停幫我們加茶,我諗起碼飲左三至四壼,旁邊的大提琴及鋼琴都由3點開始一路演奏到我們走都未停,只係中場休息了一會兒,可能我地既坐位唔位面對面,係一個半圓形的,頭尾坐一個人,然後中間坐兩個,再加上坐正係表濵者旁邊,所以較難傾計,不過我地都坐了三小時呀!!
洗手間原來都望住成個海架,好靚既景色,不過洗手間好細,只有三格,有點窄,入面還有一個服務員真的空間不夠.如果有訂枱服務會更加好,因為要花上兩小時以上去等位,真的有點浪費時間.
張貼
