彌敦左岸

營業中

休息中

每逢Happy Firday都會約朋友出去食下飯輕鬆下，今次朋友話尖咀開左間幾有feel既酒吧餐廳，所以去試一試，一黎到以為係普通酒吧，點知原來有２層，下層係開放式酒吧，上層就係餐廳有好多座位，好大好闊落，而且仲有Live band，氣氛唔錯。龍蝦湯：龍蝦湯好足料，好濃郁，配上外脆內軟既蒜蓉包，唔錯。蟹肉香芒木瓜沙律：芒果夾木瓜，香甜可口，加上蟹肉同清甜蔬菜，很開胃，而且裝飾的花仲可以食用，真係又睇得又食得，唔錯。焗原隻黃金鮮龍蝦栗米意大利飯：龍蝦好爽口彈牙，意大利飯好軟，配上龍蝦膏一齊食真係絕配。香燒西班牙黑毛豬肋骨配芝士酸辣汁：豬肋骨舖滿香濃芝士，而豬肋骨肉質嫩滑，配上粗薯條真係好夾好好味。