屋子 (已結業)

自從donki 開左喺將軍澳 MONTEREY Place之後，附近既商舖開左大大小小既餐廳及 cafe ，大部分都好有特式，好熱鬧咁。今次去既呢間屋子，好有日式既風格🎎。簡潔純白既日系裝修，配上一入門口既三張榻榻米，真係好有feel😍。好彩今日朋友一早黎到，等左一陣，竟然可以坐榻榻米，不過要留意，一定要着襪先可以安排坐呢度，同埋影相係靚既，但坐耐左隻腳就開始抽筋😂😂。分別order 左一杯白桃烏龍茶🍵 $45同埋洛神果茶 $45，老實講無咩特別，好普通既茶包，但環境令到茶既價值昇華左，因為呢度傾偈真係好舒服🤗。咁飲茶既同時，緊係都要食返件cake🍰 先得。草莓純白蛋卷 $58外型好靚，打卡一流，cake既甜度適中，但又不算好鬆軟嗰種😅。有D彈性既質感，白色既creamy就無咩味道。另一款 小倉抹茶戚風 $65cake既質感都係一樣，不過喜歡呢款多D，因為有淡淡既抹茶味道😉，連D creamy都係抹茶味，喺口腔内有回甘既感覺，呢個不錯。總括呢度好chill 好舒服，但cake既質素就一般。