影片
更多
2024-01-25
22 瀏覽
將軍澳南嘅餐廳真係好多元化，除咗有西餐、酒吧、Cafe選擇之外，呢晚揀咗間泰國菜試吓。門面裝修好有泰國風味，有室內亦有戶外座位。餐牌食物選擇多元化，價錢亦合理。越式黃咖喱雞（$148）+ 烤餅（$38）- 咖喱雞份量相當多，入面有勁多雞件同蔬菜。黃咖喱相對冇咁辣，咖喱汁煮得十分香濃惹味，用來點烤餅食一流。串燒沙嗲（$128）- 呢個拼盤一共有六串，可自由配搭牛豬雞三種肉類。我哋每款要咗兩串，幾款肉類都燒得香口好味，點埋沙嗲醬更加惹味。菠蘿海鮮炒飯（$158）- 賣相夠晒靚，份量亦都多。炒飯炒得好香，落咗大量海鮮材料，配埋菠蘿肉，味道酸酸甜甜咁，越食越開胃。芒果糯米飯（$88）- 芒果香甜，配以熱辣辣又煙靭嘅糯米飯，仲有椰汁嘅香味，呢個甜品真心好味。飲品點咗Virgin Mojito（$58）同Lime Soda各一（$48），兩款飲品味道有少少相似，同樣以lime作為材料，不過Virgin Mojito入面有薄荷葉同埋brown sugar，味道會比較多層次。兩款飲品味道清新，用嚟配泰國菜同樣適合。
越式黃咖喱雞（$148）+ 烤餅（$38）- 咖喱雞份量相當多，入面有勁多雞件同蔬菜。黃咖喱相對冇咁辣，咖喱汁煮得十分香濃惹味，用來點烤餅食一流。
串燒沙嗲（$128）- 呢個拼盤一共有六串，可自由配搭牛豬雞三種肉類。我哋每款要咗兩串，幾款肉類都燒得香口好味，點埋沙嗲醬更加惹味。
菠蘿海鮮炒飯（$158）- 賣相夠晒靚，份量亦都多。炒飯炒得好香，落咗大量海鮮材料，配埋菠蘿肉，味道酸酸甜甜咁，越食越開胃。
芒果糯米飯（$88）- 芒果香甜，配以熱辣辣又煙靭嘅糯米飯，仲有椰汁嘅香味，呢個甜品真心好味。
飲品點咗Virgin Mojito（$58）同Lime Soda各一（$48），兩款飲品味道有少少相似，同樣以lime作為材料，不過Virgin Mojito入面有薄荷葉同埋brown sugar，味道會比較多層次。兩款飲品味道清新，用嚟配泰國菜同樣適合。
張貼
