Boy n Burger (已結業)

漢堡包🍔永遠都係最鍾意食既，尤其係上次品嚐過 "Boy n Burger" ，更加覺得意猶未盡，實在太好味，所以又再encore啦！店舖環境乾淨舒適，裝修型格，設計時尚，同埋地點方便，旺中帶靜，係一個進餐嘅好地方。見到餐牌有全新漢堡系列 : 雙層BBQ芝士漢堡、清新口味魚柳漢堡、青醬脆雞辣肉腸漢堡、韓式辣醬脆雞漢堡、芝士辣肉醬熱狗、韓式泡菜風味熱狗，亦有多款特色漢堡、炸雞、小食、飲品等選擇，見到都覺得吸引。雙層BBQ芝士漢堡    $55兩層嘅牛肉漢堡扒口感特別豐富，牛味香濃，一咬好juicy，肉汁鮮嫩，加上爽脆嘅洋蔥粒同青瓜，配合半溶芝士就更惹味，味道豐富而且層次分明。Bobby 漢堡    $58呢個 burger 同樣都係有兩層牛肉，牛肉味都好濃，煎得香脆，內裡充滿肉汁，而且好嫩滑，配合溶溶雙層芝士和爽口嘅生菜、蕃茄同醬汁，完全好夾，好美味。辣肉醬芝士薯條    依款係幼薯，咬起上嚟脆脆的，薯味好濃，芝士混入少少辣既肉醬汁，薯條味層次提升，覺得特別惹味。青蘋果菜絲沙律    一杯有多種蔬果，青蘋果、紫椰菜、紅蘿蔔、生菜等，食起嚟少少酸，好開胃，新鮮爽脆。曲奇雲呢拿奶昔   新出嘅