上水燒烤樂園 (已結業)

住左咁耐北區，第一次聽上水有bbq場。正因如此，即刻係到黎個bb蕉之夜先得啦。相比起屯門元朗，尼到嘅地點可以話係夠曬方便。係正北區運動場後面。平日每位$100，假日$130，再另加起爐費$50。個場都幾有規劃，一入去就比錢，之後行前少少就攞餐具丶蜜糖同埋燒烤叉。拎食物嘅地方同飲品/售賣區(麵包丶棉花糖都要自購)都係分開嘅。可能個場係新嘅關係，所以地方好乾淨企理，亦都冇狗狗係到。岩曬啲怕狗人士。食物方面有好多，最普通嘅丸同扒都有，但尼到竟然有漢堡排。仲有啲冇咁常見嘅芝士丸丶豆卜丶青椒丶翠肉瓜等等。食物都唔太差，雞扒牛扒都好juicy。唯一希望生同熟嘅食物可以分開兩個盆裝。另外要提及嘅就係員工，好開心係場到認識到一位伯伯，佢叫Michael。就係因為有佢係到，令成個場好歡樂。