麻王 (已結業)

呢間好似係呢兩個月先開，日日都見好多人排隊。可惜冇得堂食只能夠外賣。入面好整齊，感覺好乾淨。啲嘢食都唔算貴，細細間但又有幾多選擇。碟酸菜魚麻麻哋，辣就辣，不過冇乜香味。魚係鯇魚，我唔鍾意食有骨嘅魚，所以唔係咁啱我食。極度推介大家試吓佢嘅麻辣米線！有麻辣火鍋嘅麻辣味。最正嘅係佢可以揀羊肉，好騷好香啊！好食，連續食咗兩日，鍾意食辣嘅你唔好錯過！唯一缺點就係無綠色配料，即係蔥、芫荽、韭菜等等。口水雞都係必試！夠辣夠香麻，啲雞好滑。青瓜只有4-5條，但我覺得夠，因為都厚切。