影片
更多
2019-02-12
86 瀏覽
上Openrice 見到呢間日式放題可以一個價錢打埋邊爐，雙重享受～決定二人前行。首先網上食評話記得一定要上去之前BOOK 檯有著數，咁當然打上去BOOK 啦，一打就通，輕易就BOOK 到想要既時間放工去到仲有些少時間先夠鐘入去，待應同我講訂左檯可以拎支雪條食住等，幾好服務喎，等埋同行朋友就一齊入座了入到去，待應好耐心講解放題紙內容，同入座有D 咩額外送比我地……其實由於太詳細… 我只係記得我有興趣果D …. 入座送每檯一個特別邊爐 (2揀1) , 訂檯送人頭生蠔/ 海膽 (畫紙) … 刺身邊張, 熟食邊張 …. 野飲可以出面拎….WIFI 密碼就寫左響檯面度….ETC卡位牆上仲有插頭，我諗應該係比人打街行左成日叉電話用(?) 幾貼心佢走左之後我地就開始睇紙，2 揀1 邊爐我地選擇要壽喜燒，另外仲有一張邊爐配料紙可以任畫任叫 …… 個邊爐細細唔佔位, 內裡都幾好料 … 姑都有幾種響裡面… 菜都有幾種… 肥牛都用菜墊高 … 唔會話太熟比我地, 呢點十分好。我本人主力都係想打邊爐, 朋友就食刺身多…. 兩個人唔洗你就我我就你呢點真係幾好 … 尤其係人多既時候 … 總會有一兩個人唔鍾意食魚生
上Openrice 見到呢間日式放題可以一個價錢打埋邊爐，雙重享受～決定二人前行。
首先網上食評話記得一定要上去之前BOOK 檯有著數，咁當然打上去BOOK 啦，一打就通，輕易就BOOK 到想要既時間
放工去到仲有些少時間先夠鐘入去，待應同我講訂左檯可以拎支雪條食住等，幾好服務喎，等埋同行朋友就一齊入座了
入到去，待應好耐心講解放題紙內容，同入座有D 咩額外送比我地……
其實由於太詳細… 我只係記得我有興趣果D …. 入座送每檯一個特別邊爐 (2揀1) , 訂檯送人頭生蠔/ 海膽 (畫紙) … 刺身邊張, 熟食邊張 …. 野飲可以出面拎….WIFI 密碼就寫左響檯面度….ETC
卡位牆上仲有插頭，我諗應該係比人打街行左成日叉電話用(?) 幾貼心
佢走左之後我地就開始睇紙，2 揀1 邊爐我地選擇要壽喜燒，另外仲有一張邊爐配料紙可以任畫任叫 …… 個邊爐細細唔佔位, 內裡都幾好料 … 姑都有幾種響裡面… 菜都有幾種… 肥牛都用菜墊高 … 唔會話太熟比我地, 呢點十分好。
我本人主力都係想打邊爐, 朋友就食刺身多…. 兩個人唔洗你就我我就你呢點真係幾好 … 尤其係人多既時候 … 總會有一兩個人唔鍾意食魚生/ 打邊爐…. 咁就大家歡喜…. 放題黎講呢度D 座位都幾適合一大班朋友黎 … 仲有大量卡位… 放題真係算坐得舒服….
刺身方面, 我地點左三文魚, 帶子, 海膽(呢個係訂座先送既), 蟹腳, 生蝦等等… 食得出好新鮮又夠大舊… 不錯不錯…. 食完都仲有N CALL 左兩次，都唔覺漏單 … 以兩百蚊放題黎講, 真係服務 + 食物都值得再回頭
熟食方面, 除左有邊爐任打之外，炸物都係必推… 所有野都係脆卜卜上比檯… 唔似得出面比D 炸好左好耐既野你食… 我好憎果D …. 烏冬拉麵蟹粥都有好多配料選擇… 不過我無叫就唔知好唔好食…
壽司, 我叫左帶子壽司，芝士蝦壽司…. 佢特別加左松露醬… 好香好開胃… 呢個我有繼續N CALL
燒物都唔錯, 尤係係牛舌, 燒得岩岩好
飲品目測都有二十種上下 … 連啤酒都有 …. 好正
會再黎的，值得推介之選
張貼
