博多拉麵別天神 (已結業)

去到餐廳首先係喺右手邊個自動售賣機到買飛，之後將張飛交俾店員，好有日本拉麵店嘅感覺。之後自己坐低，成間餐廳剩係得吧枱，坐喺吧枱度可以望到廚師煮拉麵，炒緊櫻花蝦嘅時候個香味已經好濃郁，拉麵可以自己揀軟硬度，配料亦都可以選擇多或少，裏面塊叉燒厚薄度適中，好冧身，好入味，個湯底好濃郁，唔淡，啲拉麵吸晒啲汁，櫻花蝦份量很多，所以每一啖都可以食到櫻花蝦嘅味道。另外叫咗一碟餃子有四件，個表皮煎得好香脆，內裏都好Juice，肉餡好足夠，啱我口味。