百芳池上便當 (太古城中心)

營業中

休息中

為左行誠品去左太古城，喺誠品見到佢CP值唔錯就試下😋叫左個香酥雞翼便當($56)，本身已經有跟basic飲品，但加錢轉左做黑糖珍珠鮮奶($27-8)🧋三隻雞翼好似少左啲，但size搭夠，好飽滿，酥炸得出色，咬落去係脆到有聲。便當有幾樣配菜，有半隻滷水蛋、粟米、粉絲同娃娃菜，都叫做盡量營養均衡☺️黑糖珍珠鮮奶無得調甜度，最多可以少冰。自問都叫係螞蟻人，但佢黑糖係足到連我都覺得甜，所以唔好甜嘅朋友就未必適合呢杯了。佢黑糖味香，珍珠都比得好重手，最後飲晒都仲有剩。