影片
更多
2008-04-21
8 瀏覽
之前果日食完泰國o野意猶未盡，加上毛毛當日只係食左少少，第二日即刻有組織地o黎呢喥勁食平o野。等左都有半個鐘至九個字，好彩地坐左一張牆邊枱，size同4人枱冇分別，但係靠牆冇搭枱，正合我地勁食「擺到成枱都係」之意！1. 冬陰功(細) - 味道唔錯，但蝦都幾細隻同唔夠入味，d菇都唔太入味，始終都係泰簡單o既冬陰功最正2. 炸蝦餅- 圓波波形狀，熱辣辣，外面鬆入面彈牙，蝦肉足，個甜酸醬都好好味，正！！3. 燒豬頸肉- 豬頸肉好香，有齒狹留香效果，同時亦食到炭燒o既風味，唔駛5分鐘就ko晒4. 生蝦刺身- 都係刺身上加辣椒同一塊蒜片，蝦當然唔會太鮮甜，但都算係新鮮o既，40蚊想點o丫～5. 椰汁紅咖哩牛- 牛肉用料只係一般本地牛肉片，但個咖哩真係整得好好食！牛肉亦都好入味，所以雖然口感麻麻但味道依然一流，咖哩點蒜蓉包簡直係一絕！！6. 馬拉盞通菜- 熱辣辣上枱，香噴噴！食落好惹味，只係通菜本身唔夠嫩7. 芒果黑糯米- 椰醬十分濃十分香，加上黑糯米又係熱辣辣上枱所以特別好味！12蚊真係淨食甜品都抵飲品有龍眼冰同椰青。龍眼冰味道幾好，椰青唔夠凍但係超嫩！從來未試過可以咁易「不」晒成個椰青d肉o黎
等左都有半個鐘至九個字，好彩地坐左一張牆邊枱，size同4人枱冇分別，但係靠牆冇搭枱，正合我地勁食「擺到成枱都係」之意！
1. 冬陰功(細) - 味道唔錯，但蝦都幾細隻同唔夠入味，d菇都唔太入味，始終都係泰簡單o既冬陰功最正
2. 炸蝦餅- 圓波波形狀，熱辣辣，外面鬆入面彈牙，蝦肉足，個甜酸醬都好好味，正！！
3. 燒豬頸肉- 豬頸肉好香，有齒狹留香效果，同時亦食到炭燒o既風味，唔駛5分鐘就ko晒
4. 生蝦刺身- 都係刺身上加辣椒同一塊蒜片，蝦當然唔會太鮮甜，但都算係新鮮o既，40蚊想點o丫～
5. 椰汁紅咖哩牛- 牛肉用料只係一般本地牛肉片，但個咖哩真係整得好好食！牛肉亦都好入味，所以雖然口感麻麻但味道依然一流，咖哩點蒜蓉包簡直係一絕！！
6. 馬拉盞通菜- 熱辣辣上枱，香噴噴！食落好惹味，只係通菜本身唔夠嫩
7. 芒果黑糯米- 椰醬十分濃十分香，加上黑糯米又係熱辣辣上枱所以特別好味！12蚊真係淨食甜品都抵
飲品有龍眼冰同椰青。龍眼冰味道幾好，椰青唔夠凍但係超嫩！從來未試過可以咁易「不」晒成個椰青d肉o黎食！真係成個喎～仲要係18蚊個椰青，去邊喥搵？
呢餐食到超飽超滿足！地方的確唔係幾衛生同好迫，但係老闆同老闆娘服務都算係咁喇！起碼咁多人出出入入佢地都會同你嗲兩句，o黎得呢d地方食o野我諗要預左囉！
張貼