Fast Taste (金碧閣) (已結業)

今日天陰陰想落雨 ，所以唔想出街 ，我哋諗起 可以用 網上外賣平台，所以就喺上面間餐廳啦。 我哋揀咗fast taste ，因為一直 都知道有呢間餐廳 ，都幾想試下嘅 ，而且又唔貴。咁我哋就係menu上面揀咗個二人餐啦 ， 個餐都幾多嘢食 ，有牛堡， 兩客蘑菇， 湯 ，雞翼 同埋沙律， 從另外加咗一嚇暑格。 其實就咁睇好似好少嘢食 ，但係食落， 又真係食唔曬。首先佢個蘑菇湯係幾好飲嘅 ，入面有好多蘑菇粒粒同埋黑松露，好香，啲cream都打得好細滑， 而且好大碗，所以飲完碗湯都好飽。至於burger， 因為送到嚟都凍咗少少 ，個汁真係幾好味嘅， 塊漢堡扒呢就乾咗少少 同凍咗少少， 可能係外賣嘅關係。 carbonara 個汁 冇乜味， 靠啲煙肉嚟調吊味，意大利粉就都有彈性嘅； 薯格呢就好好味 ，又香口， 泥度都仲係好熱； 雞翼呢就比較淡味， 但炸得幾脆嘅， 埋單兩個人都係二百蚊， 因為網上外賣平台有折扣， 都ok嘅。