石鍋堂

營業中

休息中

呢排疫情出街都要睇吓邊度封咗大廈，出到旺角竟然都係人山人海。肚餓搵嘢食就最方便，大把餐廳嘅選擇。今日我就揀咗食石鍋堂，石燒烏冬好吸引勁抵食個餐連埋嘢飲$50有找，仲做到6點鐘石鍋貴少少但係都係$100就有找。我嗌左上級肩胛牛肉石鍋烏冬，真係唔好講笑啲牛肉份量好多每塊都大大塊，因為個石鍋好熱所以生牛肉擺上面，浸一陣就食得唔會過熟烏冬好彈牙同入味，我嗌左地獄辛辣湯，湯底唔會有辣油。同埋嗌左雜錦海鮮石鍋烏冬，好足料隻蜆大大隻，黑蒜油豚骨湯底好推介，個湯蒜蓉味好香而豚骨湯底好清甜所以唔會覺得好膩。食完都唔會覺得口渴先要一讚叫咗杯青蘋果綠茶同埋百香果綠茶，份量調得適中唔會過甜遮蓋綠茶嘅味道。