獨 ‧ 火鍋撚 (已結業)

佢呢道係一人一個鍋，揀自己嘅湯底，同可以揀自己想食啲咩肉( 雞，牛，豬）我叫咗雞肉，然後搭白湯睇圖佢有啲似養生鍋，入面有條人參，飲落有少少中藥味，感覺好潤個鍋外型都好得意，個蓋係隻馬騮仔畀啲肉大家望下。有菜，有肉，蟹柳，餃子，蜂巢豆腐等等，一個人都好夠飽。包一杯嘢飲，湯無限加。如果再想額外加嘢食，有得散叫。另外，佢個調味料盒真係幾靚，一大排咁，幾有氣勢。一百零蚊收工，我覺得幾好，好睇都好食，會再嚟嘅。