潮牛莊火鍋 (已結業)

今日又嚟到尖沙咀食飯，因為朋友好鍾意食打邊爐，所以對打邊爐嘅餐廳好有要求，所以我完全冇上網睇過關於呢間餐廳，直接相信佢咁樣準時喺餐廳門口出現，第一個感覺真係有驚喜，有別於一般嘅打邊爐餐廳，呢間感覺好乾淨好企理，個地下唔會又濕又滑，然後所有嘢食擺盤都好精緻又新鮮，連店員嘅服務態度都好好，所以幾時都話跟住識食嘅朋友去食晚餐係幸福嘅！我哋今次都叫咗好多樣嘢，全部都好出色，有幾樣嘢我覺得必須要同大家介紹吓嘅，因為下次再嚟都一定會必點！南非活鮑魚超級大隻，又夠新鮮，肉質厚實，口感q彈，食落完全冇渣，食晒成碟都覺得未夠喉。牛頸脊口感肥嫩，油脂分布一流，真係第一眼見到個油花已經好開心，食落就更加滿足！啲蝦真係超大一隻，好少何去打邊爐見到咁大隻，仲要爽口，勁新鮮！今次約齊一大班朋友嚟食，又可以舒舒服服咁樣坐喺度傾偈傾一晚，又食到好好味嘅食物，真係勁開心。