影片
更多
2020-01-30
312 瀏覽
今次嚟咗新麻蒲依度食韓燒！我本身都係一個好鍾意食韓國嘢嘅一個人，而咁岩朋友都鐘意韓燒，我地就打算黎呢一間係銅鑼灣近近地又好出名嘅韓式燒肉鋪。我哋叫咗個牛同豬嘅套餐，講個套餐之前先講講佢跟餐有幾件火炙牛肉壽司，啲壽司都好有水準，牛肉好淋，上面個汁同牛肉味好夾。話晒都係韓式嘅燒肉店，啲肉事先醃好晒或者做好調味，味道非常韓式bbq。啲醃料係甜甜地咁樣，燒完出嚟會更加好味同多汁！啲牛好入味，同埋肉質幾好，脂肪比例唔錯。額外叫咗雞肉，都好嫩滑啊。除左啲肉類之外仲有爐邊蛋食，啲蛋係無限添加，我自己鍾意剪碎d啲泡菜加入去蛋漿度一齊燒，食起上嚟會有啲爽口同冇咁漏！部隊鍋就冇乜特別，份量唔算大，不過ok啦！要留肚食燒肉嘛。食飽飽啲肉之後, 就梗係到甜品嘅時間！我哋叫咗個紅豆冰沫，出奇地食起上嚟好爽口好清新，紅豆泥甜而不膩，好啱食完燒肉食！
今次嚟咗新麻蒲依度食韓燒！
我本身都係一個好鍾意食韓國嘢嘅一個人，而咁岩朋友都鐘意韓燒，我地就打算黎呢一間係銅鑼灣近近地又好出名嘅韓式燒肉鋪。
我哋叫咗個牛同豬嘅套餐，
講個套餐之前先講講佢跟餐有幾件火炙牛肉壽司，啲壽司都好有水準，牛肉好淋，上面個汁同牛肉味好夾。
話晒都係韓式嘅燒肉店，啲肉事先醃好晒或者做好調味，味道非常韓式bbq。啲醃料係甜甜地咁樣，燒完出嚟會更加好味同多汁！啲牛好入味，同埋肉質幾好，脂肪比例唔錯。額外叫咗雞肉，都好嫩滑啊。
除左啲肉類之外仲有爐邊蛋食，啲蛋係無限添加，我自己鍾意剪碎d啲泡菜加入去蛋漿度一齊燒，食起上嚟會有啲爽口同冇咁漏！
部隊鍋就冇乜特別，份量唔算大，不過ok啦！要留肚食燒肉嘛。
食飽飽啲肉之後, 就梗係到甜品嘅時間！我哋叫咗個紅豆冰沫，出奇地食起上嚟好爽口好清新，紅豆泥甜而不膩，好啱食完燒肉食！
張貼
