LAB10 (已結業)

好食韓國料理，去過幾次，第一次食個陣同朋友唔知食咩好，兜左朗豪坊成圈，意外發現到依間鋪頭，一開始見到門面，以為只有燒肉食，差d 走左，點知原來仲有得單點韓式料理！-今次3個人點左5樣野食，最後飽到食唔晒同埋環境好舒服，好適合傾計！！1)韓式海鮮蔥餅 ★★★★★覺得最好食係依個，趁熱食，食完好滿足.2)海帶湯★★★★★因為上個月去完韓國，朋友迷上左海帶湯。然後返返黎都好掛住陣味，海帶湯勁好飲！同韓國飲既味一樣.3)水冷麵★★★★食完海鮮蔥餅，再食水冷麵，心理覺得冇咁熱氣😂😂 .4)牛肉炒粉絲★★★★好食！本身如果都鐘意炒粉絲既話，點依個唔會令你失望。同埋份量都好夠.5)薯條★★★趁熱食個陣薯條加埋芝士好正。但係擺左係到一陣後開始會澀，痴埋一齊，同埋有d 淡記得趁熱食野飲我點左有椰青個杯！推介推介 好refresh,同埋個杯好靚！❤️❤️整體黎講，值得推介！係朗豪坊諗唔到食咩，又唔想食foodcourt 既話可以黎依到一試～價錢都合理