翠華餐廳 (已結業)

自從翠華開左之後，早餐同下午茶又多左個選擇喇~面包部設於翠華既門口，買外賣同埋面包都係門口排隊，朝早經常都有長長人龍。中午時間，堂食既隊就排係另一邊，唔會混亂。翠華既麵包部有菠蘿包、紅豆菠蘿包、雞尾包、墨西哥奶皇包、雪山流沙包等等，面包選擇唔算多但好食搭夠，而價錢唔算貴，$5-$6，大大個新鮮熱辣辣，對面舖既面包即刻比下去。紅豆菠蘿包($6)紅豆菠蘿包同普通菠蘿包唔同，唔係圓形而係長形既，外層鬆脆之餘又唔會一咬就碎晒入面既紅豆蓉甜度適中，仲會食到粒粒紅豆如果遇到新鮮出爐,更加熱辣辣，食完一個想再食多一個tim~