泰閣 (中港城) (已結業)

香港人都幾鍾意食泰國菜,唔止九龍城多泰國餐廳,油尖旺都好多選擇架,今次我地就選擇左中港城既泰閣。我地就叫左酸辣椰汁雞湯,辣椒膏肉碎炒豆角,乾炒雞肉河粉同埋小甜品拼盤。酸辣椰汁雞湯份量都幾多,而且入面既料睇得出係豐富,足料,椰汁味好香,不過就比較鹹左少少,辣椒膏肉碎炒豆角就係肉碎舖係豆角面,我諗可能係分開炒,所以豆角就唔太入味,同埋都幾辣,乾炒雞肉河粉好好食,炒得好有穫氣,河粉有咬口,彈牙,唔會炒到變一餅野,芥蘭好爽口,小甜品拼盤簡直係飽肚之選,唔知有無人可以食得晒,側邊既三舊糕好好食,特別係椰汁粟米糕,不過因為太飽,下次會叫返芒果糯米飯。