潮州人 (已結業)

經過太子，發現一個完全唔起眼嘅小店，睇間鋪個名，完全估唔到佢唔係食潮州滷水打啦，而係食花膠。位置喺間IG出名賣千層蛋糕店隔離。我平時都冇乜上嚟寫食評，但今日食完，真係忍唔住要俾個like佢！今日試咗佢個花膠拼醉雞翼米粉，真材實料，花膠、雞翼都好入味，花膠大大塊，雞翼大大隻，醉雞味夠，湯底又濃自家製龍眼蔘蜜又係另一必叫，蔘味香，少少甜再加龍眼味，值頭係養生消暑良品，雖然細支，但女仔夠飲。一定會帶家人一齊嚟再幫襯！