川味美食

營業中

休息中

唔知由幾時開始香港人咁鍾意食雲南、四川野，米線薯粉辣魚開到周街都係。今日由深水埗行過長沙灣，都唔知見到幾多間呢啲食店。午飯時間都幾多人，又想食米線，就行入去啦。原來呢間野咁多分店餐牌冇驚喜，都係大路米線配料。但上網見好多人都讚紅薯粉，一於試下。腩肉腐竹酸辣紅薯粉，賣相普通，鍾意佢夠多蔥。酸辣湯底幾清，唔覺得勁味精。腩肉入味，但太大舊，我個人鍾意一片片嗰隻薄腩肉多啲。食落紅薯粉名不虛傳，佢個形態係曲曲攣攣咁，食落好彈牙，又唔會好硬咬到牙都軟，好有口感。