沙嗲王 (已結業)

呢間沙嗲王真係幾好食架, 都黎左好多次, 每次佢d 水準都好stable, 不過佢都幾多人, 好多時都要等位。佢有飯, 面, 小菜, 甜品, 其實都差不多咩都有架喇, 佢d飯面都係30幾40幾一個, 夠一人份量, 小食小菜都係10幾到幾十蚊不等, 都幾好食, 而且叫左野食都可以半價叫埋野飲, 其實都係正常價錢。佢d芝士年糕可以一試, 不過幾”滯”架, 多d人share黎試就最好。炒蘿蔔糕都好好食架, 夠味道, 而且質感都好好。佢d炒飯同埋湯面都一樣好好食。最中意食就係佢ge沙嗲雞排粉絲, 沙嗲醬好夠, 好creamy, 而且d粉絲都吸到沙嗲醬ge味, 真係好好食。 如果係下午茶ge, 一個沙嗲雞排粉絲加一杯野飲都只係26蚊, 都幾抵呀。同埋因為佢d裝潢好夠, 一d都唔是旦, 又可以坐o係2人卡位ge船仔入面, 真係幾好架。呢d位最好係同男朋友去啦。