影片
更多
2019-05-27
1024 瀏覽
餐廳：老夫子港式餐廳 (九龍灣)地址：九龍灣展貿徑1號E-Max 國際展貿中心2樓18 號舖九龍灣國際展貿中心平時除咗有唔少嘅大小型展覽、會議、宴會、研討會等，有時仲會有唔同嘅展銷會同演唱會喺度舉行，不過唔知大家又知唔知道原來呢度都有唔少嘅食肆同一個大型food court，無論你係呢邊返工又或者過嚟呢邊玩都好，都有唔少好餐廳俾你選擇。香港一向係一個國際美食大都匯，要搵好嘢食絕對唔難，而香港另外一個特點就係有好多主題的餐廳，卡通、動漫、寵物等主題嘅餐廳應有盡有，而喺國際展貿中心2樓就有一間以老夫子為主題嘅港式茶餐廳。呢間茶餐廳相當闊落，未入到門口就已經聽到由陳松伶主唱嘅老夫子魔界夢戰記粵語主題曲「Forever friends」，好有意思同埋充滿老夫子嘅回憶，而餐廳四周圍都係老夫子嘅裝飾同佈景，就連櫈都係參照老夫子嘅衣著顏色，無論係大人定細路都被成個餐廳嘅氛圍吸引咗。蟲草花滑雞煲仔飯 $68呢到嘅煲仔飯即叫即整，大約等10分鐘鬆啲就有得食😋一打開煲蓋果陣飯焦同鮮雞味即刻飄哂出黎，非常之香。滑雞多肉，唔洗落豉油都夠哂入味，蟲草花對身體好有益，不過得幾條仔，但整體黎講都係值得試都多人叫嘅，
地址：九龍灣展貿徑1號E-Max 國際展貿中心2樓18 號舖
九龍灣國際展貿中心平時除咗有唔少嘅大小型展覽、會議、宴會、研討會等，有時仲會有唔同嘅展銷會同演唱會喺度舉行，不過唔知大家又知唔知道原來呢度都有唔少嘅食肆同一個大型food court，無論你係呢邊返工又或者過嚟呢邊玩都好，都有唔少好餐廳俾你選擇。
香港一向係一個國際美食大都匯，要搵好嘢食絕對唔難，而香港另外一個特點就係有好多主題的餐廳，卡通、動漫、寵物等主題嘅餐廳應有盡有，而喺國際展貿中心2樓就有一間以老夫子為主題嘅港式茶餐廳。
呢間茶餐廳相當闊落，未入到門口就已經聽到由陳松伶主唱嘅老夫子魔界夢戰記粵語主題曲「Forever friends」，好有意思同埋充滿老夫子嘅回憶，而餐廳四周圍都係老夫子嘅裝飾同佈景，就連櫈都係參照老夫子嘅衣著顏色，無論係大人定細路都被成個餐廳嘅氛圍吸引咗。
蟲草花滑雞煲仔飯 $68
呢到嘅煲仔飯即叫即整，大約等10分鐘鬆啲就有得食😋一打開煲蓋果陣飯焦同鮮雞味即刻飄哂出黎，非常之香。滑雞多肉，唔洗落豉油都夠哂入味，蟲草花對身體好有益，不過得幾條仔，但整體黎講都係值得試都多人叫嘅，抵呀！
泰式拼盤 $88
泰式拼盤有泰式魚餅、泰式春卷、扎肉同豬頸肉，夠2-3人份量食，豬頸肉仲有成十幾塊！配上豬頸肉特配嘅醬汁，邊邊香脆之餘肉汁亦鎖緊係肉中間，軟腍吸引。春卷可口鬆脆，以芋頭做餡料，加埋酸辣醬就無得頂。
香港主題餐廳時興時衰，前排紅磡黃埔嘅One piece主題餐廳結業，大家真係要珍惜機會，尤其是鍾意老夫子嘅人快啲嚟朝聖下啦！
張貼
