翠園 (銅鑼灣廣場) (已結業)

今日同個朋友出去銅鑼灣廣場買嘢，未夠十二點佢就話肚餓，甘就同佢去食嘢先啦，佢話想去翠園食，果度嘅燒鵝同點心同唔錯，就去果度食啦。我比較中意呢間嘅酥皮龍蝦焗湯，因為呢個湯顔值好高啊，酥皮好脆好香，龍蝦味好重，兩樣混合埋一齊，真系好正，不過送的炸腐竹就唔系好掂了，有D太過油了。呢度另一個比較出名的菜燒鵝，皮脆肉嫩，剛剛出爐，咬落口感好好，味道剛剛好，每次嚟都會點嘅，比起其他地方要好食。朋友話想食炒飯，睇個樣就幾唔錯，不過就價格有D偏高，有蔬菜粒同肉粒一齊炒，炒飯粒粒分明，食落口感幾好，系屋企好難炒到甘嘅水準。腸粉等同其他點心都幾好味，可以試下。