影片
更多
2016-11-16
575 瀏覽
經朋友嘅介紹之下，去食左餐好有feel嘅西餐，點解會甘有feel?剩係見d嘢食個樣已經夠陶醉。每一份食品除咗用心咁樣煮之外仲對佢比外表十分認真，整到好靚，好吸引，令你去即刻食咗佢！(提提大家去前最好訂位先，平日夜晚都好滿架)呢到嘅晚餐選擇都唔會剩係得六至八個選擇，佢成個Menu都可以選，而且可以加＄48就將主食轉為套餐，套餐會有一個頭盤，餐湯，主食，甜品同埋一杯野飲，所以非常之超值。頭盤今日有巴拿馬火腿凍豬手，將火腿同埋豬手一齊整一個類似果凍出嚟，食落有d似午餐肉湯，好新鮮嘅味道。香芒鮮果蝦沙津配青檸泡--鮮果用上了芒果，菠蘿，奇異果，蘋果等等。亮點係個泡泡，真係有青檸味道，食落入口即溶嘅感覺，滲出青檸香。餐湯有南瓜湯，忌廉粟米湯。兩款湯個味道好傑身，真正的蔬果蓉整。個人較中意粟米湯，好香甜粟米味，飲落仲有粟米粒。主菜澳洲和牛配礦物鹽--牛扒嘅肥瘦剛好，要左4成熟，切開剛好。肉嫩，牛味重。有時候唔一定要有汁先至好食，甘樣純煎出嚟，再加上鹽粒，食落可以保留牛嘅鮮味，又可以為牛增添味道。絕對有質素。原隻波士頓龍蝦配黑松露醬--唔使多講，原正龍蝦，肉爽，有膏，再配上芝士再加黑松露醬。比起中式
呢到嘅晚餐選擇都唔會剩係得六至八個選擇，佢成個Menu都可以選，而且可以加＄48就將主食轉為套餐，套餐會有一個頭盤，餐湯，主食，甜品同埋一杯野飲，所以非常之超值。頭盤今日有巴拿馬火腿凍豬手，將火腿同埋豬手一齊整一個類似果凍出嚟，食落有d似午餐肉湯，好新鮮嘅味道。
香芒鮮果蝦沙津配青檸泡--鮮果用上了芒果，菠蘿，奇異果，蘋果等等。亮點係個泡泡，真係有青檸味道，食落入口即溶嘅感覺，滲出青檸香。
餐湯有南瓜湯，忌廉粟米湯。兩款湯個味道好傑身，真正的蔬果蓉整。個人較中意粟米湯，好香甜粟米味，飲落仲有粟米粒。
主菜澳洲和牛配礦物鹽--牛扒嘅肥瘦剛好，要左4成熟，切開剛好。肉嫩，牛味重。有時候唔一定要有汁先至好食，甘樣純煎出嚟，再加上鹽粒，食落可以保留牛嘅鮮味，又可以為牛增添味道。絕對有質素。
原隻波士頓龍蝦配黑松露醬--唔使多講，原正龍蝦，肉爽，有膏，再配上芝士再加黑松露醬。比起中式的芝士焗，更有心思，味道更好。
特別推薦--鮮鮑魚煮黑松露醬。中式的鮑魚上加上忌廉黑松露汁，汁料仲有配料洋葱，額外有風味。忌廉汁加上黑松露已經夠香，再配上洋葱更香，正！
本身配上嘅甜品係芒果慕士蛋糕，睇下！整得幾靚，好比一幅畫，真係唔捨得食丫。
為食d就可以轉其他甜品，朱古力心太軟再加埋呍呢嗱雪糕，甜入心。
呢到最好係每一碟嘅分量都好足，唔會因爲係前菜個份量就小左，所以成個餐200幾蚊係物超所值。今期仲做緊like 個fb澳洲和牛就減一百蚊，好似話每一期都唔同優惠。唔錯丫，與時俱進。
張貼
