塩玉居酒屋 (已結業)

「其實咩先為之叫好食？」我老婆曾經咁問。因為每個人口味都有啲唔同，所以唔敢亂答。但我同佢講「嗰件野放咗入口，你會因為佢而笑，咁咪叫好食囉！」今晚唔單止好食，仲乜都唔洗諗！係乜都唔洗諗既「OMAKASE」！居酒屋既格局、居酒屋既裝修，居酒屋既擺設......「入主題啦！居酒屋！」OK! 兩份廚師發板唔該。蟹肉、鵝肝、醃車厘茄頭盤例牌都係凍。蟹肉好新鮮，放入口食得出黎既嗰種鮮甜味。鵝肝同樣都係貴價貨，全無任何雜質，可以放心放入口，等佢啲鵝油慢慢咁佔領你既味覺神經。老婆話個車厘茄好甜，好好味。我唔食車厘茄的。白子刺身係香港唔係周圍有得食。你問我白子係乜？自己search啦。入口感覺到好滑，有少少咬口，然後再有種鮮鮮甜甜既味。你話佢岩岩劏出黎我都信。鮟康魚肝又係少有既食材。雖然同鵝肝同樣屬於肝臟，比起鵝肝會多咗一份鮮味，原因係來自海產。質感比鵝肝更軟，更加有入口即溶既感覺。深海池魚、野生油甘魚 、拖羅貴夾唔飽既邪惡。跟住個名順住咁食，由淡至濃。池魚同油甘魚既肉質都比較厚實，口感好豐富。來自拖羅獨有既鮮味，肉質非常細嫩加上豐富既魚油。擺入口真係笑咗出黎。「咁咪就係好食囉！」北海道牡丹蝦壽司、金目