養心殿台式養生鍋 (已結業)

呢間係酒店入面，環境好大好新，平日去都幾滿座。打邊爐最鍾意一辣一唔辣湯底，岩曬唔同口味朋友麻！ 揀左薑母鴨同麻辣鴛鴦鍋！ 薑母鴨湯底真係未試過，原來好正架！ 個湯好足料，可以當湯飲，唔係淨湯架，入面有好多鴨肉，蜂巢豆腐，仲有鴨血另上架！ 麻辣叫左小辣，都ok架，鍾意再辣d記得去佢醬料區度拎辣椒醬呀，夠辣👍👍點野可以唔洗叫蜂巢豆腐喎，原來佢湯底基本上都包豆腐架，正。我地叫左個滷味拼盤，大腸牛肚都勁好食，記得趁熱食呀！ 重點打邊爐黎喇，呢度都有d幾特別既菜式，特別推介黑松露牛丸，梅菜豬肉丸，真係好好食呀！ 好岩我口味😋😋 仲有牛柳粒都好有牛味，水餃拼盤，大腸，樣樣我都好滿意😆😆 岩岩做緊優惠，Facebook check in and share 有汽水送，打邊爐梗係配可樂！ 總結呢，環境乾淨，野食好好食，價錢合理，下次再黎試埋其他湯底先！