東海堂 (已結業)

飲完茶，見唔係太飽，口痕痕，所以便去東海堂買件蛋糕食吓。今日買了兩款蛋糕，一款係榛子千層酥，價錢$15，甜度適中，酥皮夠鬆化，榛子香脆，口感豐富，整體味道ok。另一款買了芝士撻，價錢$12，味道一般，芝士忌廉尚算香濃，加了少少檸檬汁落芝士入面，酸酸甜甜，冇咁油膩，可惜批底質感太實，唔鬆脆，這裏要扣一點分。這店蛋糕選擇多，味道大致上ok,價錢算是合理，下次再來幫襯，我會買第二款試吓。