茶聊 (已結業)

已經唔係第一次嚟茶聊呢間咁高質素嘅Cafe😃除咗佢個黑糖珍珠鮮奶正，之前飲完奶蓋都係返唔到轉頭。今次食午餐價錢好抵，質素高份量亦唔細😋❁ 軟殼蟹漢堡配凱撒沙律薯條 🍔🍟原隻軟殼蟹炸得透，食嘅時候仲係熱辣辣脆卜卜，軟殼蟹唔會太細隻，加埋啲沙律醬好好味🤤薯條同沙律都唔差，厚切薯條每一條都係炸到超級脆，沙律中和返油膩嘅薯條🙂❁ 櫻花蝦靈芝菇卡邦尼意粉 🍝意粉食落蛋味重，軟硬度適中，加上煙肉、靈芝菇，口感好豐富，飽肚😳❁ 髒髒黑糖珍珠鮮奶 🧋成日見到人哋飲呢杯😍係呢度招牌，面頭鋪滿可可粉，整得好靚好用心。黑糖味道剛剛好唔會太甜，鮮奶滑，珍珠有咬口。❁ 芝芝蜜瓜🍈呢度嘅奶蓋系列有得自己選擇甜度，揀咗無糖🥰因為奶蓋同蜜瓜本身都甜甜地，我覺得無糖啱啱好。蜜瓜味道好出，唔係嗰啲糖漿，整體都好飲~總結呢度價錢好抵😛又好食又好飲，環境舒服，枱與枱之間唔會太近，仲可以坐耐啲影吓相，一如以往高質，私心推介奶蓋系列☺️