大同韓燒 (已結業)

好耐未食過韓燒，今次揀咗呢間試吓。因為算係早嚟，所以都未算好多人。座位方面都坐得好舒服。仲有電視睇添。嘢食方面真係出乎意料之外，有超級超級多嘅選擇。基本上你想食乜嘢都有。放喺出面嘅熟食都預咗會凍凍地，但係佢啲壽司同埋個玉子燒都好食好特別。仲有感覺好衛生。嗰度啲店員好好人，問我地食唔食三文魚，仲話再想食仲可以添。又話可以比啲飯我哋食，真係服務得好周到。記得之前去元朗食韓燒，嗰張吸油紙係要加錢去換。呢度唔使加錢之餘，仲要好頻繁咁樣幫我地換，真係好好服務。仲有甜品食。其實仲有其他㗎，不過因為飽所以食唔到了。但係我覺得呢間餐廳真係好好。嘢食嘅味道都一流。最緊要係衛生同埋服務好。諗住過多一排再嚟。