雲石小姐 (已搬遷) 新店位置

生日蛋糕唔知買邊款好？無論係屋企有小朋友、定係擁有少女心嘅大家都可以考慮呢個「公主款流心蛋糕」！🥰朋友最鍾意小美人魚，所以我哋訂咗Ariel公主款～ 蛋糕賣相同包裝都好靚，而且有得食有得玩！😆 首先將奶蓋醬倒落個蛋糕上嘅膠片範圍，再拉開膠片，奶蓋醬就即刻佈滿整個蛋糕表面～🎂 真係又靚又好玩～😍蛋糕外層嘅cream幾輕盈又唔太甜，入面嘅戚風蛋糕我哋揀咗伯爵茶味，茶味夠香，蛋糕好鬆軟～ 蛋糕中間仲包住茶味嘅流心醬，切開見到流心效果幾澎湃～ 加埋咸咸地嘅芝士奶蓋醬，味道同口感都層次好豐富，有驚喜！呢間小店入面都有幾個座位堂食，佢哋嘅汽水罐蛋糕都好出名，下次要黎試吓先得！