新潮樓 (已結業)

又一晚有event所以再一次去公司對面emax新潮樓。雖然話趕時間，但係每人揀一碟，都叫咗勁多嘢：滷水墨魚，潮汕梅膏骨，普寧蘿蔔灌漿，XO醬翡翠炒帶子，魚肚豆腐羹，有人公司有酒飲唔飲到我喺呢度叫啤酒🤭。我第一次聽桔油，原來係好似蜜糖咁嘅質地嘅金橘油，用嚟沾普寧蘿蔔灌漿勁好味，我一口氣食咗幾件，之後就已經飽咗🤣超級耐冇食過潮州嘢，呢間啲滷水墨魚片好大碟，加埋呢度坐得咁舒服，我諗以後想食潮州嘢都會嚟呢度食😌唔知點解人大咗，口味真係會變，以前唔鍾意食魚肚羹，而家耐唔耐都會想食，呢間嘅都好好味，不過我又係唔落胡椒粉，落醋直接飲😋😆又多一間以後會成日嚟食晚餐嘅餐廳～8點食飽飽返去再戰🤓