葡匯咪走雞葡國餐廳 (已結業)

平時我好少食葡國菜，因為覺得大部份葡國菜都好濃味，又咸又油，好似好唔健康咁！不過今次食完葡匯咪走雞葡國餐廳，令我對葡國菜有改觀。依間餐廳總店喺西貢，已經有好耐歷史，今次終於搬出嚟尖沙咀旺區，二令到更加多食客嘗試，有口福呀！😋▫️今次試咗好多傳統嘅葡國菜，例如，馬介休球🍘、沙甸魚🐟、乳豬🐽。坦白講全部都真係幾好味，第一次見馬介休有流心芝士🧀；沙甸魚亦都好新鮮唔會太咸；最令我欣賞嘅就係個乳豬，初頭以為好肥膩，點知一叉落去，皮還皮，膏還膏，一啲肥膏都無癡喺乳豬皮到🐖，真係唔知廚師點解可以做到咁，我估佢哋個焗爐真係有啲料到！第一啖食落去，乳豬皮脆到好似食薯片咁，個豬肉好juicy，有汁流出黎，成個餐我都好滿意！🤤▫️最後食咗兩個甜品 －葡國西多士🍞、香蕉薑卷🌯。因佢哋個焗爐真係好勁，個酥皮勁鬆軟，而且又可以做到一啲都唔油，另外估唔到薑汁同香蕉咁夾，真係可以食到幾點都得！👏🏻👏🏻