先講碗湯，味道濃沃，似雞湯味，食麵果陣想飲晒成碗湯佢！
雞叉燒味道都唔錯有4舊覺得少左啲，仲有3舊豬腸粉唔知點解咁加落碗湯麵入面。
總結黎講係幾好食亦會覆桌。
但是！重點黎了！
佢除左雞叉燒出名之外，在湯麵入面另一樣餸都出名
就係玫瑰雞槌，剛好同行友人食呢樣，我就可以同佢分享交換左一件食（利申：是在開始食之前）
雞槌味道濃烈！啱晒重口味既人！但係！
份量超少， 有睇過其他post既人都知道佢個樣係點。
就係有一半的雞槌肉不見左，朋友戲稱店家拎左啲肉黎整雞叉燒。
一碗粉麵配3舊雞槌，份量極少，十分不抵食。
同行友人以前食開旺角分店，佢話以前係完整的雞槌，今次見到一半份量的雞槌感到失望。
希望店家可以改善呢個問題，中午食雞槌麵都唔平要成$76。
呢個價錢我認為在佐敦有其他更好既選擇。
