今次當然又係同我最愛黎食啦，本身我都好鐘意食越南菜，而且係我眼中越南菜好難整得難食。
今晚我地2個人每人叫左一碗面。
香茅雞翼撈檬 $56 (不設加一)，味道:8/10今日我叫左呢個，因為唔係好有胃口，飽飽地的感覺，所以叫左個醒胃的。
有四隻肥美香茅煎雞翼，好入味，超鐘意，撈檬都好好食，好足料，有好多蘿蔔絲、花生碎、瓜絲等等，咬起上黎個味道係好豐富同埋好fresh，加上自己倒上去的酸甜醬，夏日食係幾醒胃，下次黎我會再食呢個。
手撕雞湯河，$68(不設加一)，味道:6/10我的最愛叫左呢個面，我地2個都覺得好普通，D雞都算嫩口、滑，不過細細條咁食，唔係好食到雞味，講真呢個面冇咩好講，因為係好普通的滑河粉加雞絲，直接D講就好似去雲吞面店個D湯河咁食。
整體黎講，味道係唔差，一定唔係唔好食先啦，但如果以成個性價比去講，雖不設加一，但餐牌內的價錢仍然偏貴，特別個雞絲湯河，唔明點解收咁貴，我好少食到中伏的越南菜，但就食過好多平過佢的越南菜。
PS.真心欣賞個香茅雞翼撈檬，值得推介，見佢咁好食，$56係值
