麥金.麥金馬來西亞特式茶啡室 (已結業)

嗌咗下午茶蛋黃奶油雞扒跟拉茶，雞扒係炸到偏乾身嗰種，蛋黃奶油醬係靈魂，微辣又惹味，送飯食一流。但唔知係我唔好彩定點，我嗌兩次外賣唔係漏嘢就出錯嘢，一次係漏咗靈魂嘅蛋黃奶油醬，今次就叫拉茶但出咗杯咖啡俾我，對於唔飲咖啡嘅我真係企咗喺度。但我張單又俾返佢哋，所以都無得換。所以叫外賣嘅朋友真係要check吓單先拎，都希望老闆可以留意下呢個問題，連續兩次都出錯單呢個頻率真係高咗啲，我都唔希望一間餐廳因為呢個問題而影響客人嘅整體感覺。