塚田食堂

營業中

休息中

經過依間餐廳見到menu啲嘢食都好日式好吸引，就決定試吓。我叫咗和牛壽喜燒定食🐮 $178，依個價錢就有和牛食好抵！加15蚊就有沙律飲品吧，一開始出去攞沙律飲品先，沙律吧有生菜，粟米，西蘭花，蕃茄等等，我落嘅柚子醋幾清新開胃。飲品都有超多選擇！有唔同嘅罐裝飲品，又有咖啡茶，同果汁。定食嚟到真係覺得超大份超靚，湯底係骨膠原湯底，舊骨膠原好快溶咗。和牛唔會太肥啱我食，質素不錯幾有牛味。加埋珍珠米同半熟玉子一齊食好正。食完牛仲有一大盤唔同款式嘅蔬菜，要做個健康寶寶食多啲新鮮蔬菜，食完真係好飽好飽。最後仲有自助吧嘅蛋糕仔食，推薦朱古力蛋糕，好有朱古力味，上面仲有層好Moisturise 件cake嘅cream。