元気寿司 (已結業)

夜晚十點度同男朋友睇完<Click>,唸住食個飯,所以就四圍睇下有乜好野食!自從同男朋友第一次食完峰壽司後,我地倆個就成日去食迴轉壽司~不過APM冇"峰"又冇"羽",(哈!冇"風"又冇"雨"?)所以唯有去元氣碰碰運氣~一入到去已經覺得麻麻,個位真係迫到喊!不過冇計,唯有快D食完快D走...三文魚壽司三文魚既顏色好淡而且零鮮味同好薄,差!蝦子壽司:無乜特別...蟹柳壽司:可能平時食開"峰"既蟹棒,所以覺得唔好食~吞拿魚壽司:都係冇乜鮮味,麻麻...蟹子沙津壽司蟹子少得驚人,係可以數得出有幾多粒!醋黃魚壽司:又係冇乜鮮味...唉~北寄貝壽司:算做有少少咁多既鮮味,ok啦~帶子壽司:超級細隻,我估得"峰"既三份一咋...劍魚腩壽司:由於上次"羽"食完劍魚後,即刻做左劍魚fans!所以一見到有劍魚腩壽司就火速落單~一送上黎已見到D色澤唔白,再放埋入口...超級大失所望!好心元氣唔好令人對劍魚有D咁既即象啦~軟殼蟹手卷軟殼蟹凍冰冰仲要油淋淋,好難食呀!(仲敢賣貴過"羽"一蚊,人地好食過你十倍!)總括黎講,一D都唔好食,仲衰過大久保!D壽司飯用機整又硬又酸,D茶既味又怪怪,仲有D魚