新明苑宴會廳 (已結業)

本來打算去名門國宴食晚飯，但去到發現等位等到人頭湧湧，所以轉左去附近呢間新明苑，點知咁就出事.....上到去發現個場都有幾多空檯，但唔知點解個阿姐係要帶我地去坐兩張打緊邊爐既檯夾住果張檯，搞到成餐飯煙霧彌漫...唔理咁多，點菜再算。款式選擇不少。點了這道拔絲咕嚕肉。因為我們一家都愛吃名門的拔絲骨，看到菜單上有，便點了來吃。上菜時，賣相不俗，但想不到只有形似，味道跟名門相差一截。夾起時完全無絲，而且整道菜太甜，只吃到糖漿的味道。海皇豆腐煲。份量偏少，但整體賣相讓人有所期待。但不知是否受到超甜拔絲骨影響，吃下去時覺得淡而無味。乳鴿皇。晚飯贈送的優惠，但一上檯時已皺皮，睇見都唔多想食。所以隻乳鴿一直放到尾，我地都冇郁過....成餐飯較為可取的應算是這道蜜味雞中翼，味道尚可。奉勸這間新明苑一句，野食唔好食，但招呼都唔該好少少，無論經理定樓面，叫人加水十叫九唔應，仲要未問過我地就收晒檯面既野，唯獨是埋單就最快。下次寧願等位都唔會再黎。