影片
更多
2006-02-18
18 瀏覽
因為好近我公司,所以11月開張以離都去過3次,2次午餐1次晚餐。午餐有好多撰擇,拉麵餐三四十蚊再送2件手握壽司,我試左<照燒雞扒拉麵>,好明顯係即整既,因為雞扒燒得好好味,熱辣辣塊皮好鬼死脆,拉麵好爽口,湯底同平時食既有D唔同,但都幾好味。定食餐四十幾蚊再送日式蒸旦(送完即止),我就試過咖喱定食,咖喱好"希"唔甜,非一般日式咖喱,我本人就比較鐘意平時又"傑"又甜果D。再唔係淨食壽司都得,35蚊有8件,雖然係細舊左D,但有師夫即刻整比你喎,低啦~晚餐時間比較午飯時間少好多人,坐得好舒服,係一個慢慢嘆晚飯&吹水既好地方,我同同事由6點幾坐到10點,都無待應吹我地走,仍然係咁好服務態度,GOOD~<35蚊8件壽司&三文魚刺身>:壽司咁低食,緊係必食啦,三文魚刺身好好味,但30蚊得5件,OK咁啦~<生蠔火鍋>: 雖然只有4只蠔,但係超鮮甜,鮮甜到咩地步呢!?就係我個同事想即刻叫多個囉~_~! 烏冬分開上,包唔會淋晒,都有成2碗份量嫁,仲有一大札金菇菜&豆腐&黃牙白......<牛脷&雞軟骨串燒>: 真係好低!!!30蚊有2客,每客
午餐有好多撰擇,拉麵餐三四十蚊再送2件手握壽司,我試左<照燒雞扒拉麵>,好明顯係即整既,因為雞扒燒得好好味,熱辣辣塊皮好鬼死脆,拉麵好爽口,湯底同平時食既有D唔同,但都幾好味。定食餐四十幾蚊再送日式蒸旦(送完即止),我就試過咖喱定食,咖喱好"希"唔甜,非一般日式咖喱,我本人就比較鐘意平時又"傑"又甜果D。再唔係淨食壽司都得,35蚊有8件,雖然係細舊左D,但有師夫即刻整比你喎,低啦~
晚餐時間比較午飯時間少好多人,坐得好舒服,係一個慢慢嘆晚飯&吹水既好地方,我同同事由6點幾坐到10點,都無待應吹我地走,仍然係咁好服務態度,GOOD~
<35蚊8件壽司&三文魚刺身>:壽司咁低食,緊係必食啦,三文魚刺身好好味,但30蚊得5件,OK咁啦~
<生蠔火鍋>: 雖然只有4只蠔,但係超鮮甜,鮮甜到咩地步呢!?就係我個同事想即刻叫多個囉~_~! 烏冬分開上,包唔會淋晒,都有成2碗份量嫁,仲有一大札金菇菜&豆腐&黃牙白......
<牛脷&雞軟骨串燒>: 真係好低!!!30蚊有2客,每客有2串,都係7.5蚊一串咋喎,係街邊拮串野都要啦,同埋真係好好味囉,食得出真係即燒,唔係返熱貨,下次去一定要試埋其他!!!
<野菜天付羅>: 一般咁啦~
<燒鯖魚>: 仲以為除左銀雪魚之外,燒魚一定係乾爭爭,原來鯖魚都係例外,好滑有魚肉汁,仲無銀雪魚咁油咁肥添!!!好正~~~~
<燒墨魚丸>: 係迷你墨魚丸,只有金沙咁大粒,味道OK啦,裡面粒黑魚都幾大粒,但唔算低食
其實之前都好想搵次機會去試下個懷石料理,依家再睇埋之前個評語,攪到我好想快D去食添~~~
張貼