九井壽司 (已結業)

之前同囝囝學校家長傾談中話九龍灣有間九井壽司，有好多嘢食價錢合理，每碟壽司都係用高速列車送到，所以就帶佢試吓。去到門外店舖好大環境很舒服，還擺着好多圖書同畫筆🖌️，仔仔見到好開心即刻衝埋去。真係好貼心。餐牌係選用電子屏幕，有1-10人氣食物作參考。食物選擇很多，價錢亦合理。茶包獨立包裝感覺好衛生！午市套餐都只係$58-78抵食，分量亦很多，刺身好新鮮，壽司飯軟綿綿。每一次送餐時電子螢幕都會提示套餐即將送到，好細心燒芝士餃子雞翼-呢個必食咬落去啖啖肉，雞翼好香入味，燒得啱啱好特色海老天婦羅🍤蝦炸得卜卜脆好爽口吉列南瓜薯餅，外脆內軟，南瓜軟綿綿甜甜地。好食到要再叫多一碟士多啤梨味波子汽水，好靚嘅玻璃樽，有得玩又有得飲，仔仔超愛。仔仔家長無介紹錯，下次一定會再嚟幫襯。