糧心製作 (已搬遷) 新店位置

作為工廈新晉小店， 糧心製作採用open kitchen設計， 感覺好清新。我點了火燒三文魚野菌飯定食，選了羅宋湯，再加杯熱檸水。而男朋友則點了香草食醬意大利麵。不得不提個羅宋湯，絕非一般茶餐廳貨色，啖啖都係蕃茄肉， 飲完之後好滿足個三文魚飯就更加唔話得， 唔知大家有冇以下經歷呢？以前食親三文魚飯都唔係覺得啲三文魚太小太薄，就係好快食完啲肉，剩番啲白飯，要搵豉油同七味粉撈飯。呢個飯完全冇以上問題， 因為佢啲野菌同三文魚都好入味， 好"送"飯; 而且， 透過open kitchen, 見住個廚師在三文魚上逐片輕灑海鹽， 然後表演火槍即燒， 梗直係賞心悅目意猶未盡，再order左西多士， 為話這個下午畫上完美句號。