紅磡冰室 (已結業)

上星期，同K先生去完太空館睇北極光之後，大家有d餓，想食過宵夜，突然想起之前試過喺尖沙咀食嗰間冰室嘅常餐，都幾好食，想帶K先生去試吓，由於去到都九點半後，仲要係星期曰，入到去有卡位坐，幾舒適。本來想食常餐，打開menu先知道，原來晚市不供應。所以我地就叫咗兩碟炒粉麵，有我最鐘意食嘅星州炒米同K先生最鐘意食豬扒炒烏冬。份量超多，而且d餸好足料，比平時喺茶餐廳食嘅星州炒米多好多，平時係要搵得好辛苦先搵都餸，但呢間冰室好足料，而且吾太油。雖然，價錢比一般茶餐廳貴少少，但味道真係不錯。