唇茶 (旺角中心第一座) (已結業)

同朋友喺旺中行街，行到攰，想買杯野飲充充電。但係食飽左又飲唔落奶蓋、珍珠⋯見到唇茶舖面好搶眼，睇真啲原來個menu都好吸引，啲茶名特別之餘，仲好貼心地列曬啲主要成分出來望住個主菜單好快就可以揀到最想飲個杯見到寫住每杯凍飲都加入桃膠就更吸引係人都知桃膠養顏，女生們真係不容錯過！呢排天氣乾到爆，揀左杯滋潤點嘅『梨雪初華』平時飲野習慣少甜，但店員強調佢地用冰糖代替坊間嘅糖水，所以叫左杯正常試下。出來嘅味道果然好清新，清甜甜度剛好，加左桃膠有食糖水嘅感覺店員出茶時會仔細地係茶嘅表面加茶葉、玫瑰花做裝飾，主要供客人俾相機食先～呢個服務好值得讚，唔係間間舖都咁細心